2010 marks the 200th anniversary of the death of our Club’s founding secretary, the Paisley poet and songwriter Robert Tannahill.    As well as founding the world’s first formally constituted Burns Club, and choosing to properly record that constitution, Tannahill’s prolific output of songs placed him second only to Burns and the club still meets monthly in Tannahill’s family home in Queen Street. Assuming life after death, this year’s greeting is a whimsical, romantic, two-part take on what would be said were their paths to have crossed.  

When the Plooman met the Weaver - A Heaven-sent Conversation

Wan day, when roamin’ Heaven’s braes

Did Burns upon a fellow gaze

An’ stop tae tak the time tae praise

An’ dreams fulfil

Tae greet a bard o’ Paisley’s

Ca’d Tannahill

Burns

Good sir, accept my veneration

An’ gracious, heart felt admiration

Fur thy words merit recognition

Baith verse and sang

Aw men should hear sic inspiration

The live-day-lang

Tannahill

My bard, the pleesure is my ain

Fur I have marvelled at thy fame

An’ in my humble Queen Street hame

Yer words were king

That thee wid even ken my name

Mak’s ma heart sing.

Burns

But sir, ma fame, in part is thine

An’ those who sat lang efter dine

In Paisley taverns quoting rhyme

Tae honour me

Ma simple writings tae enshrine

T’was doon tae thee.

Tannahill

But while ma shuttles loodly clang

Yer wurds wrapped nature in a sang

And oot across the fields I’d gang

Tae fire ma muse 

An whether woods or dale amang

Pay thee ma dues

Burns

The world should hear thy own sweet air

Aroon Gleniffer braes sae fair

The woods o’ Craigielee to share

In verse an’ tune

A hunner canty sangs or mair

Then gone tae soon

Tannahill

Like me, you tae wur gay and jolly

But oor façade wis but life’s folly

As smiles aft hid oor melancholy

During earth-born days

But here in heaven, let us brawly

Tak gladsome ways

Wae that, the pair shook hands and syne

Bin freends forever, brithers in rhyme.

As aff ower heaven’s braes they climb

We tak an oath

In Paisley we’ll aye tak the time

Tae honour both